Сот залында некелерін қидыртты
«Қазақстанда тыйым салынған «Ислам мемлекеті» террористік тобына қатысы бар деп сотталып жатқан екі айыпкер астанада өтетін сот отырысы алдында қалыңдықтарымен некелерін қидыртты» деп жазады ҚазТАГ агенттігі.
Алматы, NEGE. Террористік топқа қатысы бар 14 сотталушының қатарындағы бұл екеу – ақтөбелік Данабек Төреханов пен «Әбу Юсуф» деген лақап аты бар Данияр Алтаев екен. Неке қию рәсімін ресми тіркеу үшін аудандық АХАЖ бөлімінің қызметкерлері шақыртылып, сот отырысы кешігіп басталған.
Естеріңізге сала кетсек, тыйым салынған «Ислам мемлекеті» террористік тобы құрамында Шам жерінде әскери-соғыс қимылдарына қатысуы мүмкін деген айыппен сотталушы 14 қазақстандықтың соты Нұр-Сұлтан қаласындағы ЕЦ-166/10 орташа қауіпсіздік сақталған мекемесінде жүріп жатыр.
