Сот үкімі: Бұрынғы вице-министрлер ақталып шықты
Бүгін Нұр-Сұлтан қаласының Байқоңыр аудандық №2 соты бұрынғы энергетика вице-министрлері Ғ.Сәдібеков пен Б.Жақсалиевке және басқа да азаматтарға қатысты сот үкімін оқыды.
Нұр-Сұлтан, NEGE. Естеріңізге салайық, Жақсалиев пен Сәдібековті Жемқорлыққа қарсы қызмет «көл табанын тазалаймыз деген желеумен мемлекеттің 2,7 млрд теңгесін жымқырды» деп айыптаған-ды. Бұған дейін сот істі екі рет прокуратураға кері қайтарып, кемшіліктерді жоюды тапсырды. Адвокаттардың айтуынша, істе әлі де кемшіліктер көп болған.
Сот істі саралай келе, Жақсалиев, Сәдібеков, Нұрбеков, Дуанбек, Қадырберлин, Жұмалинов, Жаркенов, Ғарифолланы кінәсіз деп танып, тәркіленген заттай айғақтарды иелеріне қайтарды.
Сот үкімі әлі күшіне енген жоқ.