Сот Гүлмира Сатыбалдыға үкім шығарды
Гүлмира Сатыбалды 7 жылға бас бостандығынан айырылды.
Алматы, NEGE. "Сатыбалды Гүлмира Қазақстан Республикасы Қылмыстық кодексінің 389-бабының 4-бөлігімен көзделген құқық бұзушылықты жасағаны үшін кінәлі деп танылып, оған 6 жыл бас бостандығынан айыру жазасы тағайындалсын. Сатыбалды Гүлмира 28-баптың 3-бөлігімен және 125-бабының 2-бөлігінің 1.8-тармағында көзделген қылмысты жасағаны үшін кінәлі деп танылсын. Қазақстан Республикасы Қылмыстық кодексінің 58-бабының 3-бөлігі негізінде, Қазақстан Республикасы Қылмыстық кодексінің 58-бабының 3-бөлігі негізінде, аса ауыр емес жазаны қолдану арқылы, мүлкін тәркілеусіз 7 жылға бас бостандығынан айыру жазасы тағайындалсын", - деді судья Кемеңгер Имашев.
Сонымен қатар ҚР Қылмыстық кодексінің 49-бабы негізінде мемлекет басшысына мемлекеттік награда – «Құрмет» орденінен айыру туралы ұсыныс енгізу ұсынылды.
Еске салайық, прокурор Сатыбалдыға 8 жыл бас бостандығынан айыру жазасын тағайындауды сұраған болатын.
