Сот Талғат Ермегияевті мерзімінен бұрын босатудан бас тартты
Алматы облыстық соты «Астана ЭКСПО-2017» ұлттық компаниясының бұрынғы басшысы Талғат Ермегияевтің адвокаты берген жеке шағымды қарады.
Алматы, NEGE. Ермегияевтің адвокаты аталған қаулының күшін жойып, сотталушыны шартты түрде мерзімінен бұрын босату туралы жаңа шешім шығаруды сұраған. Алайда прокурор қаулыны өзгеріссіз қалдыруды талап етті.
Сот алқасы соттың шартты түрде мерзімінен бұрын босатудан бас тарту туралы қаулысын жоюға негіз жоқ екенін анықтады. Өтінішті қарау барысында процессуалдық және материалдық құқық нормалары бұзылмаған. Сот Ермегияевтің жеке мінездемелеріне, оның ішінде келтірілген залалды өтеу мәселесіне тиісті баға берген. Осыған байланысты бірінші сатыдағы соттың қаулысы өзгеріссіз қалдырылды.
Айта кетейік, 2016 жылы Ермегияев 780 млн теңге көлемінде пара алғаны және бірнеше миллиард теңгені жымқырғаны үшін 14 жылға бас бостандығынан айыру жазасына кесілген болатын.
