Солтүстік Корея орта қашықтағы баллистикалық зымыран ұшырды
Солтүстік Корея Жапон теңізіне қарай орта қашықтағы баллистикалық зымыран ұшырды. Бұл туралы Оңтүстік Корея штаб басшыларының бірлескен комитетіне сүйенген Yonhap агенттігі хабарлады.
Алматы, NEGE. Бұл – Солтүстік Кореяның Жаңа жылдан кейін ұшырған алғашқы зымыраны.
Бұл жайт АҚШ мемлекеттік хатшысы Энтони Блинкеннің Оңтүстік Кореяға сапары кезінде болды.
Солтүстік Корея бұған дейін 5 қарашада, АҚШ-тағы президент сайлауы кезінде зымыран ұшырған болатын.
Пхеньян АҚШ-тағы сайлауға бірер күн қалғанда, 31 қазанда Жапон теңізіне құрлықаралық баллистикалық зымыран жіберген еді. Солтүстік Корея басшысы Ким Чен Ын зымыран сынағын "дұшпандарға жауап" деп атаған.
