6 Сәуір 18:23
Солтүстік Қазақстан облысында жағдай күрделі
15 гидрологиялық бекеттің бесеуінде су деңгейі қауіпті межеге жақын қалған. Екеуінде өзен тасып жатыр.
Алматы, NEGE. «Қазгидромет» РМК СҚО филиалының мәліметінше, Соколовка елді мекені маңынан өтетін Иманбұрлық өзені тасып жатыр, қауіпті деңгей 560 см болса, қазір сағат 16.00-дегі деңгейі 572 см көрсеткен. Таңғы сағат 8.00-ден осы уақытқа дейін су жарты метрге көтерілді.
Сергеев қаласы маңынан өтетін Есіл өзені деңгейі де осы аралықта бірден 212 см-ге артты. Қауіпті көрсеткіш 1500 см болса, қазір 1123 см-ге жеткен.
Мамандардың мәліметінше, облыстағы Шарық, Бабықбұрлық, Қамысақты өзендерінің суы да толығып жатыр.
