Солтүстікқазақстандық оқушылар аттестатпен қатар диплом да алмақ
Жаңа оқу жылы кәсіптік техникалық білім беру бағдарламасы 4 оқу ордасында жүзеге асып жатыр, деп хабарлайды «Хабар 24».
Петропавл, NEGE.Солардың бірі – Бескөл ауылындағы мектеп-колледжі. Мемлекеттік-жекеменшік әріптестігі аясында 10 мен 11-інші сынып оқушылары сабақтан тыс уақытта сауда мамандықтарын игереді. Қазір мұнда 9-шы сыныпты бітірген 50-ге жуық бала тегін оқиды. Олар білім алып қана қоймай, тұрмыстық заттар мен тағам өнімдерін шығаратын зауытта жұмыс істейді. Білім ордасын сенімді басқаруға алған кәсіпкер осылайша кадр даярлау ісін жандандыра түспек.
Татьяна Мишкина, Бескөл мектеп-колледжінің бас директоры:
– Біз мерчендайзер мамандығына тоқталып отырмыз. Яғни, сауда өкілі мен маркетинг. Неге? Өйткені құрылтайшы компания өндірістен бөлек, дистрибуциямен айналысады. Сондықтан студенттер осында оқып, бірден тәжірбие жинақтай алады.