Дүние
Солтүстік Корея Ресеймен байланысын үзді
Солтүстік Корея коронавирустың таралу қаупіне байланысты Ресеймен арадағы теміржол қатынасына шектеу қойды. Бұл туралы ТАСС хабарлады.
Алматы, NEGE. Пхеньянның теміржол кассасындағы шектеу туралы шешімі дүйсенбі, 3 ақпаннан бастап қабылданған. Ол белгісіз мерзімге дейін енгізілген, дейді дереккөз. Екі ел арасындағы байланыс Қытайдағы коронавирустың бәсеңдеуінен кейін ғана ғана қалпына келуі мүмкін.
Бұған дейін Ресей Қытайға қатынайтын барлық жолаушылар пойыздарының қозғалысын тоқтатқан еді. 1 ақпанда Ресей Пекин, Гонконг, Шанхай және Гуанчжоу бағытындағы әуе рейстерін ғана қалдырып, қалған барлық қатынасқа шектеу қойған.
3 ақпандағы дерек бойынша, Қытайда коронавирус жұқтырған адамдардың саны 17,2 мыңнан асса, 361 адам қайтыс болған. ДДҰ қауіпті індеттің өршуін халықаралық алаңдаушылық тудыратын төтенше жағдай деп таныды.