Қазақстанның сыртқы қарызы 15,90 млрд доллар болды
Қазақстанның сыртқы қарызы 8,73 трлн теңге (15,90 млрд доллар) болды. Бұл туралы Қаржы министрлігінің есебінде айтылған.
Астана, NEGE. Министрлік мәліметінше, 2025 жылдың 1 қазанында жалпы қарыз сомасы 37,94 трлн теңге немесе 69,14 млрд доллар болған. Бұл – мемлекеттік және мемлекет кепілдік берген қарыз.
Ал, Қазақстанның сыртқы қарызы:
- 2,01 трлн теңге (3,66 млрд доллар) – Халықаралық қайта құру және даму банкінен алынған қарыздар,
- 803,91 млрд теңге (1,46 млрд доллар) – Азия даму банкінің несиелері,
- 35,74 млрд теңге (65,13 млрд доллар) – Еуропа қайта құру және даму банкі,
- 26,95 млрд теңге (49,12 млрд доллар) – Ислам Даму Банкі,
- 498,62 млрд теңге (908,58 млн доллар) – Азия инфрақұрылымдық инвестициялар банкінің қарыздары,
- 397,8 млрд теңге (764,4 млн доллар) – Ресей нарығында орналастырылған мемлекеттік бағалы қағаздар.
Сонымен қатар үкіметтің қарызы — 33,95 трлн теңге немесе 61,86 млрд доллар болған.