UEFA Алматының орталық стадионына 81 ескерту жасаған
«Қайрат» футбол клубы UEFA-дан Орталық стадионның жағдайына байланысты 80-нен астам ескерту алған. Бұл жөнінде клуб президенті Қайрат Боранбаев Baitassov Live-қа берген сұхбатында айтты.
Астана, NEGE. Ескерту «Қайрат» футбол клубының шотландиялық «Селтик» командасымен ойын кезінде жасалған. Боранбаев олардың өкілдерімен екі күн жұмыс істеп, ескертулер санын 21-ге дейін қысқартқанын айтады.
UEFA-ның матч комиссары ойын алдында бәрін тексереді. Олар бізге 81 ескерту жасады. Бұл өте көп! Олар үшін қауіпсіздік өте маңызды. Сондықтан олар стадионда отыратын орын санының көп болуына, сондай-ақ дәліздерді адамдар жауып тұруына қарсы болды, – деді Боранбаев.
Сонымен қатар ол стадион барлық жағынан ескіргенін айтады. Боранбаевтың айтуынша, Алматыға 30 мың адамдық жаңа стадион салуға болады.
