USD
USD
USD

Суррогат аналардың шетел азаматтарына бала туып беруіне тыйым салынбақ

Денсаулық сақтау министрлігі заңнамаға Қазақстан аумағында суррогат ана қызметін көрсетуге тек ел азаматтарына ғана рұқсат беруді көздейтін түзетулер әзірлеген. 

freepik.com
Фото: freepik.com

Астана, NEGE. Бұл туралы премьер-министрдің орынбасары Қанат Бозымбаевтың Мәжіліс депутаттары сауалына берген жауабында айтылған.

Онда суррогат аналарға бүгінгі таңда Қазақстан азаматтарымен қатар шетел азаматтары да тапсырыс бере алатыны айтылған.

«Тәжірибеде халықаралық суррогат аналарға қатысты түрлі жанжалдар мен сот процестері туындай бастады. Осыған байланысты бүгінде Қазақстан аумағында суррогат ана қызметін көрсетуге тек Қазақстан Республикасының азаматтарына ғана рұқсат беруді көздейтін норманы заңнамаға енгізу қажеттілігі туды», – дейді Бозымбаев.

Оның мәлімдеуінше, Денсаулық сақтау министрлігі «Неке және отбасы туралы» кодекске түзетулер әзірлеген. Қазіргі уақытта түзету мүдделі мемлекеттік органдармен келісу сатысында екені атап өтілген.

Тиісті мемлекеттік органдар бекіткеннен кейін бұл түзетулер Парламент қарауына енгізілмек.

Қазір оқып жатыр

Мәскеуден Алматыға бағыт алған SCAT ұшағы Астанаға шұғыл қонуға мәжбүр болды

SCAT шұғыл қонды

Астанада кішкентай бала көлікпен дәмханаға соғылды

Көлік апаты

Түркістанда ойын алаңында екі әйел төбелес шығарып, бірі дене жарақатын алды

Күдікті әйел

Шарын маңында қарақұйрыққа ұқсас бес жануардың ұшасы табылып, қылмыстық іс қозғалды

Инспекторлар, аңшылар және жануарлар ұшасы