«Рухани көшбасшы»: Нұрәлі Әлиевтің медитация жасап отырған суреті тарады
Назарбаевтың жиені Нұрәлі Әлиевтің адамзатқа сана биігіне жетуге көмектесетін жаңа қозғалыс құрғаны мәлім болды.
Астана, NEGE. Spark of light деп аталатын ұйымның ресми сайтында Әлиев қозғалыстың негізін қалаушы және рухани көшбасшысы ретінде көрсетілген. Оның жұмысы адамзаттың санасын жоғары деңгейге көтеруге, ішкі үйлесімге жетуге көмектесу екені жазылған.
«Оның мақсаты – адамдарға өз ақиқатымен байланыс орнатуға, өмірін мақсатты түрде құруға және әлемге елеулі ықпал етуге көмектесу», – делінген сайтта жарияланған ақпаратта.
Сондай-ақ адамдарға өз әрекеттерін «құдайдан берілген миссиясына сәйкестендіруге және сананың осы жоғары күйін қабылдауға көмектесетін нұсқауларды және трансформациялық тәжірибені қамтамасыз ететіні» айтылған.