Снюс сорып өлген алғашқы адам тіркелді
Ресейде темекі орнына қолданылатын никотинді снюс қалташасын тұтынған алғашқы адам көз жұмды. Бұл жөнінде Ресей федерациясы Денсаулық сақтау министрлігі ресми мәлімдеді.
Алматы, NEGE. Снюсті сатуға Ресейде 2016 жылы заңмен тыйым салынған. Кейінгі кезде снюстің өзі болмаса да, құрамында никотині бар конфет, сағыз, таблетка секілді заттар нарықта қайта қаптап кеткен. Жыл басынан бері Роспотребнадзор мамандары тексеру жүргізіп, миллионнан аса снюс өнімін тәркілеген, 6,5 млн сомнан аса айыппұл салған.
«Снюс пайда болғалы елде түрлі жаман аурулар көбейіп, адамдардың денсаулығы күрт нашарлап кетті. Психикалық ауытқу, улану, есірткіге құмарту секілді дабыл қақтырарлық мәселе көбейді. Енді міне, адам өліп отыр», – дейді Денсаулық министрлігінің бас наркологы.
Құрамында никотині бар, темекі түріне жатпайтын барлық өнімдерді Ресейде сатуға тыйым салатын заң жобасын Мемлекеттік дума көктемде қарамақ.