Смайылов: Ата-аналар балаларының қауіпсіз екеніне сенімді болуы керек
Премьер-министр Әлихан Смайылов ата-ана мектептегі баласының жағдайы мен қауіпсіздігі үшін алаңдамауы қажет екенін айтты.
Алматы, NEGE. 1 сәуірге дейін өңір әкімдіктері мектептерді тиісті қауіпсіздік жүйелерімен жабдықтау жұмыстарын аяқтауы қажет.
«Өңірлерде проблемалар әлі де жеткілікті. Бейнебақылау орнатылған мектептердің арасында камералары стандарттар мен техникалық талаптарға сәйкес келмейтін мектептер де бар. 1100-ге жуық мектеп полицияның жедел басқару орталықтарына қосылмаған. Бақылау режимі қатаң сақталмайды», — деді Премьер-Министр.
Ә.Смайылов үш күн мерзімде Үкіметке Балаларды қорғау жөніндегі кешенді жоспардың пысықталған жобасын енгізуді тапсырды.
