СІМ Таяу Шығыстағы шиеленіске байланысты мәлімдеме жасады
Қазақстан Республикасының Сыртқы істер министрлігі Таяу Шығыстағы геосаяси жағдайдың ушығуына байланысты ресми мәлімдеме таратты.
АЛМАТЫ, NEGE. Ведомствоның хабарлауынша, АҚШ тарапынан Иранға қарсы соңғы әскери әрекеттер халықаралық ахуалды күрт шиеленістіріп, Каспий өңіріндегі мемлекеттердің қауіпсіздігіне тікелей қатер төндіріп отыр.
— Қазақстан Каспий маңы елдерінің тобына кіреді және Иранмен түрлі салаларда ынтымақтастық орнатқан мемлекет. Біз барлық келіспеушіліктерді, соның ішінде ядролық мәселелерді де, БҰҰ Жарғысына сәйкес, бейбіт жолмен – келіссөздер арқылы шешуді қолдаймыз, — делінген СІМ мәлімдемесінде.
Сонымен қатар, министрлік халықаралық қауымдастықты ядролық қарудың таралуына жол бермей, таратпау режимін сақтау және осы салада халықаралық бақылауды күшейту мақсатында жаңа көпжақты келісімді әзірлеуге шақырды.
Еске сала кетейік, бұған дейін АҚШ Иранның ядролық нысандарына әскери соққы жасаған болатын. Экс-президент Дональд Трамп бұл операцияны "сәтті" деп бағалап, Иранның уран байыту инфрақұрылымының толығымен жойылғанын мәлімдеді.
Қазір оқып жатыр
Туды қандай жағдайда пайдалануға рұқсат етіледі: Мәдениет министрлігі түсіндірді
Джеки Чан Қазақстанда жаңа фильмінің түсірілімін бастады
Арыс әкімі ұлының қатысуымен болған жантүршігерлік жол апатына қатысты пікір білдірді
Данияр Елеусінов 20 тәулікке қамауға алынып, 7 жылға көлік жүргізу құқығанын айырылды
