СІМ Солтүстік Кипрде пышақталған қызға қатысты тың дерек ұсынды
Қазақстанның Сыртқы істер министрлігі Солтүстік Кипрде пышақ жарақатын алып, ауыр халде ауруханаға түскен 22 жастағы Жанерке Әбдіразақованың азаматтығына қатысты тың деректі хабарлады.
Астана, NEGE. Бұған дейін жергілікті БАҚ-та тараған ақпаратта Жанеркенің Қазақстан азаматы екені айтылған еді. Алайда министрлік өкілдері бұл деректі теріске шығарды.
«Қазақстан Республикасы Сыртқы істер министрлігі Солтүстік Кипрде болған оқиғада зардап шеккен азаматқа қатысты келесіні хабарлайды. Мәліметтерді нақтылау барысында зардап шеккен азаматтың Қазақстанда туғаны, алайда оның Қырғыз Республикасының азаматы екені анықталды», – деп хабарлады СІМ өкілдері NEGE-ге.
Айта кетейік, оқиға 3 тамыз күні Солтүстік Кипрдің Никосия қаласындағы супермаркеттердің бірінде болған. Белгісіз ер адам жас қызға пышақпен шабуыл жасап, артынша өзін жарақаттаған. Екеуі де мемлекеттік ауруханаға ауыр халде жеткізілген.
Жергілікті бұқаралық ақпарат құралдары шабуыл жасаған ер адам қыздың бұрынғы жігіті болуы мүмкін екенін хабарлады. Алайда бұл ақпарат әзірге ресми түрде расталған жоқ.
Қазір оқып жатыр
Шабуылдардан кейін Қазақстан мұнайы КҚК терминалы арқылы қайта жөнелтіле бастады
Ең төменгі жалақы, алимент, экология: жеті партия сайлаушылармен нені талқылап жатыр?
Мемлекет басшысы Астанада жасанды интеллект бойынша IOAI-2026 халықаралық олимпиадасын ашты
«Ауылдағы интернет пен қазақстандықтарға арналған ЖИ»: «Әділет» партиясы неге өзін «цифрлы партия» деп көрсетеді
