Скотчпен байлап тастаған: Таразда жетім қызды азаптағандарға қатысты іс қозғалды
Журналист Руслан Өтепбайдың жекесіне осыдан бірер жыл бұрын құлдықтан құтқарылған Құндыздың фотосы келіп түскен.
Алматы, NEGE. Фотодан оның қол-аяғы байланып, аузын скотчпен жауып тастағанын көруге болады.
Жамбыл облысы полиция департаменті баспасөз қызметінің хабарлауынша, аталмыш фотосуретке қатысты қылмыстық іс қозғалған.
Қылмыстық кодекстің «Азаптау» бабы бойынша сотқа дейінгі тергеп-тексеру жұмыстары басталды.
«Қажетті іс-шаралар жүргізілуде. Полиция қызметкерлері істің барлық мән-жайын жан-жақты анықтап, мұқият зерделеп жатыр. Толық әрі объективті тергеу нәтижесі бойынша заң талаптарына қатаң сәйкес негізделген процессуалдық шешім қабылданады», — делінген хабарламада.
Балалардың құқықтары жөніндегі уәкіл Динара Зәкиева жәбірленген қыздың қазір интернатта, қауіпсіз жерде екенін атап өтті.
