СҚО-да жарты триллион теңгеге 34 инвестициялық жоба іске асырылып жатыр
Астанада ОКҚ алаңында СҚО әкімі Ғауез Нұрмұхамбетов баспасөз конференциясын өткізіп, Солтүстік Қазақстан облысының 2024 жылғы әлеуметтік-экономикалық дамуының қорытындысын шығарды.
Астана, NEGE. Өңір басшысы баяндаманы экономикалық сандардан емес, қатты су тасқынынан кейін инфрақұрылымды қалпына келтіру бойынша ауқымды жұмыстың қорытындылары туралы бастады.
Мемлекет басшысының тапсырмасы бойынша зардап шеккендерге барлық қажетті көмек көрсетілді. Бос жерде жаңа «Бірлік» шағын ауданы пайда болды, онда меценаттардың қаражатына 700 үй салынды, балаларға жаңа балабақша ашылды. Зардап шеккендерге 1394 пәтер сатып алынды. 2 мыңнан астам үй қиратылды. Мехбригадалардың күшімен 241 үй қалпына келтірілді, иелері 1 658 үйді жөндеді.
Қазір «Қызылжар су» бірінші көтергіш сорғы станциясы қайта жаңартылуда, тұрақты электрмен жабдықтау үшін жерасты кабелі тартылды. Петропавл мен Қызылжар ауданында 8 қорғаныс бөгеті нығайтылып, салынды.
Ғауез Нұрмұхамбетов өңірдегі ауыл шаруашылығының дамуы туралы айтып берді. Биылғы жылы ауа райының қолайсыздығына қарамастан, СҚО аграршылары 6,2 млн. тоннадан астам астық жинады.
Өңірде 19 заманауи сүт фермасының 11-і іске қосылды. Бұл қосымша 70 мың тонна сүт өндіруге мүмкіндік береді.
Сонымен қатар, СҚО-да 8 мың басқа арналған сүт фермасының құрылысы жүргізілуде. Кешен елімізде ғана емес, Орталық Азияда да ең үлкен кешен болмақ.
Сондай-ақ, облыста майлы дақылдарды қайта өңдеу кәсіпорнының, қоюландырылған сүт өндіру цехының және құрама жем зауытының құрылысы жүріп жатыр.
Петропавлда қуаттылығы 10 мың тонна құс фабрикасының құрылысы жалғасуда. Бұл өңірдің құс етіне деген қажеттілігін жабуға және экспортқа шығуға мүмкіндік береді.
СҚО-да өңдеу өнеркәсібі дамуда. Түрік инвесторы ағашты терең өңдеу зауытын іске қосты. Жыл басында инновациялық жылыжай кешені іске қосылды. Іске қосу сатысында Орталық Азия елдерінің қуатты зауыттарының біріне айналатын май сығындысы зауыты.
Өңірде кондитерлік өнімдер шығаратын зауыт, саңырауқұлақ фермасы мен компост зауытын салу, керамикалық кірпіш, ОСБ панельдері мен көпір жабдықтарын шығару жоспарлануда.
Жалпы, СҚО-да 511 млрд. теңгеге 34 инвестициялық жоба іске асырылуда, 5 мың жұмыс орны құрылады.
