СҚО-да отбасы тыныштығын бұзуды әдетке айналдырған жанжалқой қамауға алынды
СҚО-да полицейлер отбасының тыныштығын бұзуды әдетке айналдырған жанжалқойды қамауға алды, деп хабарлайды Polisia.kz.
Алматы, NEGE. Полицейлер өткен жылдың 16 маусымынан бастап тұрмыстық зорлық-зомбылыққа қарсы іс-қимылға бағытталған заңнамадағы өзгерістер күшіне енгенін еске салады. Атап айтқанда, өткен қылықтарынан сабақ алмайтын жанжалқойларды қамауға алуға рұқсат етіледі. Мысалы, Қызылжар ауданының бұрын сотталған 41 жастағы тұрғынына осындай шара қолданылды. Ол өзінің бұрынғы бірге тұрған әйелімен араласқан ауылдасына бірнеше рет дене жарақатын келтірді деген күдікке ілінді.
Сот күдіктіні уақытша ұстау изоляторына орналастыруға рұқсат берді. Осылайша, полицейлер жанжалдың жалғасуының алдын алды. Жаңа қылмыстық құқық бұзушылықтар жасалмас үшін әрбір жағдай жеке-жеке қаралады. Өткен жылы заңнамалық өзгерістер күшіне енген сәттен бастап СҚО-да 6 адам отбасылық-тұрмыстық зорлық-зомбылық фактілеріне байланысты қамауға алынды.
2024 жылы облыста ұрып-соғу, жеңіл дене жарақатын келтіру фактілері бойынша барлығы 437 қылмыстық құқық бұзушылық тіркелді. Бұл құқық бұзушылықтардың құрамы әкімшілік заңнамадан ҚР-ның Қылмыстық кодексіне көшірілді. Жалпы, қылмыс санының ішіндегі 172 факті отбасылық-тұрмыстық зорлық-зомбылыққа қатысты болды.
2025 жылдың басынан бастап осы баптар бойынша 40-тан астам қылмыстық іс тіркелді, оның ішіндегі 19-ы – отбасы және тұрмыс саласындағы істер.
