«СК-Фармация» бақылауда: Депутат іс материалын Бас прокуратураға жолдады
Мәжіліс депутаты Бақытжан Базарбек өзінің әлеуметтік желідегі парақшасында Жоғары аудиторлық палатаның аудит нәтижелері бойынша анықталған елеулі заңбұзушылықтарға байланысты Бас прокуратураға арыз жолдағанын хабарлады.
Алматы, NEGE. Арызда келесі ұйымдардың қызметіндегі заңбұзушылықтар көрсетілген:
-
«СК-Фармация» ЖШС;
-
Дәрілік заттарды сараптау ұлттық орталығы;
-
Бірыңғай дистрибьютор және фармацевтикалық саладағы басқа да субъектілер.
Депутаттың айтуынша, бұл — Жоғары аудиторлық палата есебін талдау нәтижесінде дайындалған төрт өтініштің біріншісі. Қалған өтініштер Міндетті әлеуметтік медициналық сақтандыру (МӘМС) мен медициналық ұйымдар саласына, агроөнеркәсіптік кешендегі субсидияларды бөлуге, сондай-ақ 2024 жылғы республикалық бюджеттің орындалуына қатысты.
