Сыртқы сауда айналымы едәуір қысқарған
Қазақстанның сыртқы сауда айналымы 2020 жылдың қаңтар-қарашасында 12,9%-ға қысқарды, деп хабарлады стратегиялық жоспарлау және реформалар агенттігінің ұлттық статистика бюросы.
Алматы, NEGE. «2020 жылдың қаңтар-қарашасында сыртқы сауда айналымы $77,7 млрд құрады, яғни 2019 жылдың қаңтар-қарашасымен салыстырғанда 12,9%-ға қысқарып отыр, соның ішінде экспорт – $43,3 млрд (-18,2%) және импорт – $34,4 млрд (-5%)», - деді статистика мамандары.
ЕАЭО елдерімен экспорт $5 млрд құрады немесе 2019 жылдың сәйкес кезеңімен салыстырғанда 13,5%-ға қысқарды, импорт – $12,7 млрд және 7,9%-ға қысқарды.