Сыртқы істер министрлігі Кенесары ханның бас сүйегін іздеуге қатысты пікір білдірді
ҚР Сыртқы істер министрлігінің ресми өкілі Айбек Смадияров қазақтың соңғы ханы Кенесары Қасымовтың бас сүйегін қайтаруға қатысты жағдайға түсініктеме берді.
Алматы, NEGE. Брифинг алаңында журналистер Сыртқы істер министрлігінің баспасөз хатшысы Айбек Смадияровқа «Кенесары ханның бас сүйегінің табылғанын Ресей растағаннан кейін Сыртқы істер министрлігі шара қолдана ма?» деген сұрақ қойды.
«Мұндай мәселелермен тарихшылар, тар ауқымдағы мамандар айналысуы керек. Әйтсе де дипломатиялық арналар арқылы бізге де салалық ведомстволардан сұрақтар келіп түседі. Тиісінше, біз оларды ресейлік тарапқа жібереміз. Кейбір ресейлік тарап бұл бас мүлдем жоқ деп те айтып жүр. Меніңше, тарихшылар бұл мәселемен айналысып, анығын айтуы керек», - деп жауап берді А. Смадияров.
Сонымен қатар ресми өкіл Кенесарының бас сүйегін елге қайтарудан өзге басқа да мәселелер толып жатқанын айтты.
