Синоптиктер 13 өңірдегі қолайсыз ауа райына байланысты ескерту жасады

Ұлытау облысының батысында, солтүстігінде, шығысында кей уақыттарда тұман түседі.

Қарағанды облысының батысында, солтүстігінде, шығысында кей уақыттарда тұман түсіп, жолдарда көктайғақ болады. Оңтүстіктен, оңтүстік-шығыстан жел соғады, таңертең және күндіз облыстың батысында, солтүстігінде екпіні секундына 15-18 метрге жетеді.

Қостанай облысында түнде облыстың солтүстік жартысында жаңбыр, қар жауады, қөқтайғақ болады. Облыстың батысында, оңтүстігінде, шығысында тұман түседі. Оңтүстік-батыстан жел соғады, екпіні секундына 15-20 метрге жетеді.

Ақмола облысының батысында, солтүстігінде, шығысында түнде жауын-шашын (жаңбыр, қар), күндіз жаңбыр жауады. Облыстың батысында, солтүстігінде, шығысында тұман түсіп, көктайғақ болады. Оңтүстіктен, оңтүстік-батыстан жел соғады, облыстың батысында, солтүстігінде, шығысында екпіні секундына 25 метрге дейін жетеді.

Астанада таңертең және күндіз жаңбыр жауады. Тұман, түнде және таңертең көктайғақ болады. Оңтүстіктен, оңтүстік-батыстан жел соғады, екпіні секундына 15-20 метрге дейін жетеді.

Атырау облысының батысында, оңтүстігінде тұман түседі. Оңтүстіктен, оңтүстік-батыстан жел соғады, облыстың батысында, солтүстігінде екпіні секундына 15-20 метрге жетеді.

Абай облысының солтүстігінде, орталығында жел шығыстан, оңтүстік-шығыстан соғады, екпіні 25 м/с болады.

Батыс Қазақстан облысының батысында, солтүстігінде, шығысында тұман түседі. Жел оңтүстік-батыстан солтүстік-шығысқа ауысып соғады, күндіз екпіні - 15-20 м/с.

Шығыс Қазақстан облысының солтүстігінде тұман түседі.

Солтүстік Қазақстан облысында түнде облыстың батысында, солтүстігінде жаңбыр, қар жауады. Облыстың батысында, солтүстігінде көктайғақ болады. Облыстың батысында, солтүстігінде, оңтүстігінде тұман түседі. Оңтүстік-батыстан жел соғады, облыстың батысында, солтүстігінде, оңтүстігінде екпіні 23-28 м/с-ке жетеді.

Ақтөбе облысының шығысында тұман түседі. Оңтүстіктен, оңтүстік-шығыстан жел соғады, түнде облыстың солтүстігінде, күндіз солтүстігінде, батысында екпіні - 15-20 м/с.

Маңғыстау облысының батысында, орталығында шаңды дауыл соғады. Түнде және таңертең облыстың оңтүстігінде тұман түседі. Оңтүстік-шығыстан, оңтүстіктен жел соғады, таңертең және күндіз облыстың батысында, орталығында екпіні секундына 15-20 метрге дейін жетеді.

Павлодар облысының батысында, солтүстігінде тұман, көктайғақ. Оңтүстіктен жел соғады, күндіз облыстың батысында, оңтүстігінде екпіні - 15-20 м/с.

Жамбыл облысының солтүстігінде, оңтүстігінде, таулы аудандарында тұман түседі.