Дүние
Сингапурлық компания асшаянды қолдан жасамақ
Сингапурлық Shiok Meats компаниясы әлемде бірінші болып зертханада қолдан өсірілген асшаяндарды сатуға шығаруды көздейді
Алматы,NEGE. Компания өкілдерінің пікірінше, әлемде қазір табиғи етке балама өнімдерге сұраныс өсіп отыр. Себебі тұтынушыларды малдың қандай аурумен ауырғаны, не жегені, қайда ұсталғаны туралы деректерден хабарсыз болғаны алаңдататын көрінеді.
Компания асшаяндардың жасушаларының үлгісін алып зертханада арнайы сұйықтыққа салып өсіреді. Төрт-алты аптадан соң бағаналы жасушалар "етке" айналады. Дегенмен зертханада өсірілген асшаянның еті арзан тұрмайды. Компания басшылығы бір келісі 5000 долларға бағаланған өнімнің өзіндік құнын арзандату жағын ойластырып жатқан көрінеді.