Сынға ұшыраған ресейлік имам Аляутдинов Қазақстанға келмейтін болды

Алматы, NEGE. «Құрметті қазақстандықтар, мен наразылық толқынын ушықтырмас үшін және ұйымдастырушылар мен спикерлерге қиындық тудырмас үшін Астанада өтетін тренингке қатыспаймын», - деп жазды Аляутдинов өзінің әлеуметтік желідегі парақшасында. 

Путиннің бастамаларын қолдаған әнші Полина Гагаринаның концерті тоқтатылғаннан кейін қазақстандықтар ресейлік имам Шамиль Аляутдиновтың да бизнес-форумға келуіне қарсы болған. Ол да Путиннің Украинаға көзқарасын қолдаған болатын. Бірақ өзіне қойылған шектеулер дінтанушыға ұнамай қалса керек, қазақ қоғамын «ұсақ-түйек, майда-шүйде мектеп оқушылары» деп атады.

Тіпті, өзіне жазылған жағымсыз пікірлерді өшіріп, желі қолданушыларының кейбірін бұғаттап тастаған.