Silk Way Star финалистері анықталды
Астанада Азиядағы алғашқы ірі вокалдық мегажоба – Silk Way Star жобасының жартылай финалы аяқталды.
Астана, NEGE. 12 елдің орындаушыларын біріктірген және әлем бойынша миллиондаған көрермен жинаған бұл музыкалық шоудың 9-шы эпизоды маусымдағы ең шиеленіске толы әрі әсерлі шығарылымдардың бірі болды.
Жартылай финал қорытындысы бойынша ақтық кезеңге мына әншілер өтті:
- ALEM (Қазақстан)
- Язмин Азиз (Малайзия)
- Автандил Абесламидзе (Грузия)
- Мишель Джозеф (Моңғолия)
- Чжан Хэ Сюань (Қытай)
- Саро Геворгян (Армения)
- Мадинабону Әділова (Өзбекстан)
Финалдық эпизод 22 қарашада сағат 20:00-де Jibek Joly телеарнасында тікелей эфирде көрсетіледі. Трансляциялар бір уақытта Қазақстан, Әзербайжан, Тәжікстан, Қырғызстан және Моңғолияда өтеді.
Алғашқы азиялық мегажобаның жеңімпазы аралас жүйе бойынша анықталады: 50% – қазылар шешімі, 50% – онлайн дауыс беру. Әрбір көрермен silkwaystar.org сайтында өзінің сүйікті қатысушысын қолдай алады.
Silk Way Star жобасы Қазақстан Республикасы президенті телерадиокешені мен Қытайдың China Media Group (CMG) медиа корпорациясы арасындағы келісім аясында жүзеге асырылып келеді.
