Сыбайлас жемқорлыққа барған 70 шенеунік сотталды
Шығыс Қазақстан облысында бір жылда сыбайлас жемқорлыққа барған 70 мемқызметкер сотталды.
Алматы, NEGE. ШҚО соты баспасөз қызметінің мәліметіне сүйенсек, былтыр сыбайлас жемқорлыққа барған 70 мемлекеттік қызметкер сотты болды. Оның ішінде әкімдікте, құқық қорғау органдарында, білім басқармасында және басқа да салаларда жұмыс істейтіндер бар. Сот шешімі бойынша 12 адам айыппұл төлеуге міндеттелген. Қазіргі уақытта 57 миллион теңгеден астам қаражат өндіріп алынды.
«58 адам бас бостандығынан айыру немесе шектеу түріндегі жазаға тартылды. Айыппұл жазасы күзетшілерге, түрлі операторларға, ветеринарлық бақылау мамандарына қолданылған. Өндіріп алудың ең ірі сомасы 6 миллион теңгені құрады», – деді Шығыс Қазақстан облыстық соты қылмыстық істер жөніндегі сот алқасының төрағасы Қайрат Чакпантаев.