Си Цзиньпин ҚКП басшысы болып үшінші мерзімге сайланды
23 қазанда 20-шы шақырылымдағы ҚКП Орталық комитетінің бірінші пленумы өтті, онда саяси бюро мен оның тұрақты комитетінің құрамы жаңадан бекітілді, деп хабарлайды Zakon.kz.
Алматы, NEGE. Қытай Коммунистік партиясының Орталық Комитеті (ҚКП Орталық Комитеті) Си Цзиньпинді үшінші мәрте Бас хатшы етіп қайта сайлады.
Си Цзиньпин - 2012 жылдан бастап Қытай Коммунистік партиясы Орталық Комитетінің Бас хатшысы, 2013 жылдан бастап Қытай Халық Республикасының төрағасы, ҚХР Орталық әскери кеңесінің төрағасы.
Сенбі күні отырыс барысында Қытайдың бұрынғы басшысы Ху Цзиньтао компартияның съезі кезінде залдан кетуге мәжбүр болды.
2018 жылдың 11 наурызында Қытайда ел басшысының билік ету мерзіміне қатысты шектеу жойылды. Бұған дейін ҚХР төрағасы өз қызметін тек екі бес жылдық мерзімде атқаруға құқылы болған.