Швецияда дельта-штаммның мутацияланған түрі табылды
Швецияның Упсал қаласында коронавирустың дельта-штаммының мутацияланған түрі табылды. Қазірдің өзінде вирустың жаңа түрін сегіз адам жұқтырған.
Алматы, NEGE. Басылым мәліметінше, тұрғындар мутацияланған вирусты Испаниядан Португалияға бара жатқанда, пойызда жұқтырған. Дәрігерлер науқастардың E484Q мутациясын жұқтырғанын айтады. Ауруға шалдыққандардың екеуі – вакцина салғызғандар. Дегенмен, мамандар аурудың жеңіл формада өтіп жатқанын жеткізді, науқастар ауруханаға жатқызылмаған.
Айта кетсек, әлемде 400 адам вирустың осы түріне шалдыққан. Алайда олардың саны әлдеқайда көп болуы мүмкін.
