Дүние
Швеция вакцинадан неге бас тартты?
Швецияның Денсаулық сақтау басқармасы AstraZeneca британ-швед компаниясының препаратымен вакциналауды тоқтатты.
Алматы, NEGE. Себебі осы препарат егілгендерде тромб пайда болған. Еуропалық дәрі-дәрмек агенттігінің (EMA) тексеруі аяқталғанға дейін вакцина қолданылмайды.
«AstraZeneca препаратымен вакциналау EMA тексеруіне дейін сақтық шарасы ретінде тоқтатылды» – деп көрсетілген денсаулық сақтау басқармасында.
«Шешім бұл сақтық шарасы болып отыр. Вакцина көпшілікке белгілі, бірақ агенттік бұл оқиғалардың вакцинациямен байланысы бар-жоғын анықтағанға дейін вакцинаны тоқтата тұру керек», – делінген мемлекеттік эпидемиолог Андерс Тегнель хабарламасында.
Швецияда екпе алғандардың арасында қан ұю жағдайлары туралы әзірге хабарланған жоқ.