Швейцария тауларында 37 жыл бұрын жоғалып кеткен альпинистің сүйегі табылды
Альпинистер 37 жыл бұрын Швейцариядағы әйгілі Маттерхорн маңындағы мұздықта із-түссіз жоғалып кеткен неміс альпинисінің сүйегін тауып алды, деп хабарлайды Zakon.kz.
Алматы, NEGE. 12 шілдеде Швейцарияның Церматт аулы маңындағы Теодул мұздығына саяхат жасаған альпинистер адам қалдықтары мен бірнеше құрал-жабдық тапты, деп жазды CNN.
"ДНК сараптамасы 1986 жылдан бері із-түзсіз жоғалып кеткен альпинистті анықтауға мүмкіндік берді. 1986 жылдың қыркүйегінде сол кезде 38 жаста болған неміс альпинисі жоғалып кеткен", - делінген полиция хабарламасында.
Билік қардан шығып қалған қызыл баулары бар жалғыз аяқ киімнің, сондай-ақ жоғалған адамға тиесілі асай-мүсейдің суретін жариялады.
Швейцария полициясы мұздықтардың шегінуі бірнеше ондаған жыл бұрын із-түзсіз жоғалып кеткен альпинистерді табуға септігін тигізіп жатқанын атап өтті.
Қазір оқып жатыр
«Ғалымдар жаппай қуылды» деген ақпарат шындыққа жанаса ма? Ясауи университеті жауап берді
2 млрд теңге табыс тапқан: Алматыда Kizdar.net сайтын құрушылар қамауға алынды
АҚШ-та жоғалып кеткен қазақстандық жігітке қатысты тың ақпарат айтылды
Samruk-Kazyna Construction еншілес компаниясын 228,8 млн теңгеге сатпақ
