Шұғыл! Ертеңнен бастап елде шектеу енгізіледі
Дәл қазір Орталық коммуникациялар қызметінде Үкімет басшысының орынбасары Ералы Тоғжанов, Денсаулық сақтау министрі Елжан Біртанов, Мәдениет және спорт министрі Ақтоты Райымқұлова және басқа да жауапты тұлғалар брифинг өткізіп жатыр.
Нұр-Сұлтан, NEGE. Денсаулық сақтау дүниежүзілік ұйымы коронавирусты пандемия деп таныды. Себеп сол болды ма, әлде бұдан басқа да себеп бар ма, әйтеуір, вице-премьер Тоғжанов 13 наурыздан бастап елде шектеу енгізілетінін айтты. Мерекелік іс-шаралар, адам көп жиналатын жиындар тоқтайды. Әлеуметтік нысандар залалсыздандырылады. Спорттық жарыстар да кейінге шегерілетін болды. Мектеп оқушылары да белгіленген мерзімнен бұрын каникулға жіберілмек.
