Шонжыда Абай, Әл-Фараби, Мақатаев көшесі бар
Ұйғыр ауданының орталығы Шонжы ауылында бірқатар көшелердің аты ауысты.
Алматы облысы, NEGE. Ұйғыр ауданының орталығы Шонжы ауылындағы бұрынғы Кентал Исламов көшесіне әл-Фараби, Абдулла Розыбакиев көшесіне Мұқағали Мақатаев, Нуршидин Аппазов көшесіне Абай Құнанбаев есімдерін берді. Пандемияға байланысты шара шағын топпен өтті. Аудан әкімі, орынбасарлары, ақсақалдар қатысты.
Облыстық ішкі саясат басқармасы басшысы Есдәулетов, Тілдерді дамыту басқармасының басшысы Болат Керімбек келіп, сөз сөйледі.