ШҚО-дағы сотталушылардың жаппай тамырларын кескені рас па?
Әлеуметтік желіде Шығыс Қазақстан облысындағы түрмеде сотталғандар жаппай өз тамырын кескені жайлы ақпарат тараған болатын.Таралған ақпаратқа қатысты ҚАЖ департаменті ресми мәлімдеме жасады.
Алматы, NEGE. "ШҚО бойынша ҚАЖ жепартаментінің № 18 түзету мекемесінде сотталғандар жаппай өз-өзіне қол жұмсағаны туралы WhatsApp мессенджерінде таратылған ақпарат шындыққа жанаспайды. Алайда 14 қыркүйек күні осы түрмеде екі сотталушы өздеріне дене жарақатын салғанын хабарлаймыз. Сотталғандар бұл әрекетін мекеме тәртібімен келіспеуіне байланысты жасағанын, ұстау тәртібі мен шарттарды жұмсартуды, атап айтқанда, мекемеде еркін қозғалып тұруды, телебағдарламаларды көруді және камера есігін құлыптамауды талап ететінін түсіндірген", – делінген департамент хабарламасында.
Сотталғандар ауруханаға жатқызылмай, сол жерде алғашқы медициналық көмек көрсетілген. Бұл дерек анықтамаларды тіркеу кітабына тіркелді.
"ҚАЖ департаменті қызметтік тергеу тағайындады. Мекемеге прокуратура өкілдері келіп, жеке мәселелер бойынша қабылдау өткізді", – делінген хабарламада.