Ақорда 15:21, 20 Қазан 2021

ШҚО әкімдігі Конституцияға қарсы не ұйымдастырып жатыр?

Мемлекеттік сатып алу порталында ШҚО әкімдігінің ішкі саясат басқармасы атауы біртүрлі лот жариялады. Ол «Қоғамда антиконституциялық ойлауды (!) қалыптастыру жөнінде іс-шаралар өткізу» деп аталады.

Алматы, NEGE. «Антиконституциялық ойлауды қалыптастыру» үшін ШҚО әкімдігі 15 млн теңге бөлмек. Сатып алу әлі іске аспаған. Қатысқысы келгендер лоттың атауын көріп, әрі-сәрі күйде қалған сияқты.

Фото: goszakup.gov.kz

Бұл терімші жіберген қателік пе, әлде лот шынымен де солай атала ма?

Желі қолданушылардың біразы «антиконституциялық» емес, «антикоррупциялық» болуы мүмкін екенін топшылап, «тақырыпты ойнатып қою сарыжағал сайттарға ғана тән емес, оның мемлекеттік сатып алуға да жеткенін» айтып қағытуда.

Ал ШҚО әкімдігі лоттың атауын әлі ауыстырған жоқ...