ШҚО шаңғымен жарысудан жасөспірімдер арасындағы ел чемпионатында көш бастады
Щучинск қаласында шаңғымен жарысудан жасөспірімдер арасындағы Қазақстан біріншілігі мәресіне жетті, деп жазады Olympic.kz.
Алматы, NEGE. Республикалық біріншілік 17-21 ақпанда қысқы спорт түрлері бойынша олимпиадалық даярлау орталығының базасында өтті.
Чемпионат аясында еркін жарыс, спринт, масс-старт пен эстафета бойынша жеңімпаздар анықталды.
Жарысқа Қазақстанның 13 өңірінен 420-дан астам спортшы қатысты.
24 медаль жиынтығы сарапқа салынған додада Шығыс Қазақстан облысының командасы көшбасшы атанды. Екінші орынды Ақмола, үшінші орынды Қостанай командалары иеленген.