ШҚО-да оқушылар қашықтан оқу форматына ауыстырылды
ШҚО-да 150-ден астам сынып қашықтан оқыту форматына ауыстырылды. Бұған маусымдық вирус ауруларының күшеюі себеп болған, – деп жазады Устинка LIVE басылымы.
Астана, NEGE. Шығыс Қазақстан облыстық Білім басқармасының мәліметінше, өңірдегі 23 жалпы білім беретін мектептің 169 сыныбындағы 3 015 оқушы уақытша қашықтан оқу форматына ауыстырылды.
Үйден оқып жатқан оқушылардың ішінде бастауыш сыныптың 1 697 оқушысы бар.
Қашықтан оқуға Өскемендегі 18 мектеп, Күршім ауданындағы үш мектеп, Ұлан ауданындағы екі мектеп көшкен.
Айта кетейік, онлайн форматқа уақытша көшу үшін оқушылардың 30%-дан астамы медициналық анықтамалармен тіркелуі қажет.
