ШҚО-да 7 адамды кене шағып алды
Шығыс Қазақстан облысында биыл кенелер ерте шықты. Наурыз айының аяғынан бері 7 адам кенеден зардап шеккен.
Алматы, NEGE. Барлық оқиға Өскемен қаласының маңында болған.
ШҚО Санитарлық-эпидемиологиялық бақылау департаментінің мәліметінше, қардың тез еруі жәндіктердің саяжайлар мен қала маңындағы аудандарда ерте шығуына әсер етті.
Облыстағы Ұлан, Самар, Күршім, Катонқарағай, Шемонаиха аудандарындағы және Риддер, Өскемен қалаларындағы эндемиялық аймақтарда профилактикалық өңдеу жұмыстары басталып кеткен.
— Тұрғындарға табиғат аясына шыққанда қорғаныс киімдерін киіп, репелленттерді пайдалануды ұсынамыз. Егер сізді кене шағып алса, бірден дәрігерге барыңыз. Зардап шеккен жеті адамның бірі көмекке кеш жүгініп, иммуноглобулин алмаған, - дейді департаменттің қоғаммен байланыс жөніндегі бас маманы Гүлмира Қайратова.
Қазір оқып жатыр
Абзал Құспан Құрылтайға неге өтпеді және ендігі жоспары қандай?
Рақымшылық аясында жалпы сомасы 22 млрд теңгеден асатын айыппұлдар кешірілді
Тоқаев: «Қытай Қазақстан экономикасына 30 млрд доллардан астам инвестиция салды»
СҚО-да бюджет қаражатын жымқырғаны үшін ауылдық әкімдік бухгалтерлері сотталды
