Ішкі істер министрі Ақтаудағы ұшақ апатына қатысты істі тергеуді өз бақылауына алды
Бұл туралы ішкі істер министрлігінің баспасөз қызметі хабарлады.
Ақтау, NEGE. Ақтау қаласының маңында АZAL әуе компаниясы ұшағының апатқа ұшырау фактісі бойынша Ішкі істер министрлігі ҚР Қылмыстық кодексінің 344-бабының 3-бөлігі, яғни екі немесе одан да көп адамның өліміне әкеп соққан әуе көлігінің қозғалысы немесе пайдалану қауіпсіздігі қағидаларын бұзу бойынша қылмыстық іс қозғады.
ІІМ, Маңғыстау облысы және Көліктегі полиция департаменттері қызметкерлерінен жедел-тергеу тобы құрылды. Оқиға орнында ІІМ басшылығы жүр.
Тергеу барысы ішкі істер министрінің бақылауында.
Ақтау қаласының маңында "Баку-Грозный" бағытындағы Azerbaijan Airlines авиакомпаниясына тиесілі ұшақ апатқа ұшырады.
