Шыңғыс Мұқан: Қазақ тіліндегі кітапты 200 мың данаға дейін сатуға болады
ХІІ Media құрылтайда «Мазмұндама» қорының құрылтайшысы Шыңғыс Мұқан былай деді.
«Әлемде жылына 1 млн 800 мың кітап жарық көреді. Қазір кітаптың қысқаша мазмұнын беру әдісі кеңінен таралған. «Әркім оқуға тиіс 10 кітап» серия бойынша лидерлік тақырыптағы 10 кітапты мазмұндап, бір кітапқа салдық. Моңғолияның кітап дүкеніндегі барлық кітап аударылған. Бұған қазір Ұлттық аударма бюросы атсалысып келеді. Біз де өз ақшамызға бірнеше кітаптың лицензиясын сатып алып аударуға кірістік. Егер маркетингті дұрыс жолға қоя білсек, қазақ тіліндегі кітапты 200 мың данаға дейін сатуға болады. Аударма – оңай шаруа емес. Әркім өзінше аударады. Терминкомға бір орысша сөз салсаң, қазақ тілінде 15 нұсқасын береді. Біз орыстілді ақпараттық кеңістікте өмір сүреміз. «Меломендегі» кітаптың 90 пайызы – орыс тілінде. Ал журналистерге келсек, арнайы білікті журналистер мектебінен өтпеген».