Аймақ
Шымкенттік полицейлер алаяқты ұстады
2021 жылдың 6-мамыр күні Шымкент ҚПД Абай ауданы Полиция басқармасына жергілікті тұрғын алаяқтың құрбаны болғаны туралы арызданған.
Алматы, NEGE. Белгілі болғандай, ер-азамат жәбірленушінің сеніміне кіріп, жанармайын арзан бағада сатып алып, оны қымбат бағада сатып бизнеспен айналысамыз деп алаяқтық жолмен 1 500 000 теңгеден астам ақшасын алып, қайтармай жүрген.
Шымкент ҚПД Абай АПБ Криминалдық полиция басқармасының қызметкерлері жедел іс-шарасын жүргізу барысында ер-азаматтың мекенжайын анықтап, ұстады.
Аталған жайтқа қатысты полиция қызметкерлері тексеру жұмыстарын жүргізіп жатыр. Оның нәтижесі бойынша ұсталған азаматтың іс-әрекетіне құқықтық баға беріледі.