Шымкентте полиция қызметкері көлікпен қаққан келіншек қайтыс болды
Дәрігерлер оның өмірін сақтап қалу үшін үш тәулік күрескен.
Алматы, NEGE. Еске салайық, 3 тамыз күні полиция қызметкері әйел мен оның қызын қызметтік көлігімен қағып кеткен еді.
«Науқас жасанды тыныс алу аппаратында болды. Ем шаралары жүргізілгеніне қарамастан, жағдайы ауырлап, 7 тамыз күні қайтыс болды», - дейді дәрігер Оңалбай Нарманов.
Жол-көлік апаты Шымкент қаласы Полиция департаментінде ҚР Қылмыстық кодексінің 345-бабы 2-бөлігі (Көлік құралдарын басқаратын адамның абайсызда адам денсаулығына ауыр зиян келтіруге әкеп соққан жол жүру қағидаларын бұзу) бойынша тергеліп жатыр.