Шымкентте Өзбекстан азаматы қару-жарақ дүкеніне шабуыл жасап, атыс шығарды (видео)
Шымкентте 20 ақпан күні сағат 14:30 шамасында қара киінген қарулы адам айналасына оқ жаудырған, деп хабарлайды Otyrar.kz .
Алматы, NEGE. Шымкенттегі Рысқұлбеков көшесінде орналасқан «Арсенал» аңшылық дүкенінің сатушысына Өзбекстанның 49 жастағы азаматы шабуыл жасады.
Алдымен «Сайга» маркалы мылтықты көруді өтініп, одан кейін мылтықты сатушының басына тақап, аңшы мылтығын ұрлап кеткен. Осы уақытта дабыл шақыру түймесі арқылы оқиға орнына жеке күзет компаниясының қызметкерлері жеткен.
Олардың арасында атыс болды. Шабуылшы екі күзетшіні атып үлгерген. Біреуінің қолына, екіншісінің бронежилетіне оқ тиген.
Оқиғаны куәгерлер камераға түсіріп алған. Оқиға орнынан түсірілген кадрлар телеграм каналдарда жарияланды. Кадрлардан қарулы ер адамның көшеде жүгіріп келе жатып, айналасына оқ атқанын көруге болады.
