Шымкентте қыз құбырдан өзенге құлап, суға батып кетті
Шымкентте Бадам өзенінде оқыс оқиға болды. Алдын ала мәлімет бойынша, 2011 жылы туған қыз абайсызда өзеннің үстіндегі құбырдан құлап, суға батып кетті. Ол жүзуді білмеген, деп хабарлайды Zakon.kz.
Алматы, NEGE. "Бірнеше сағат бойы құтқарушылар су астында іздеу жұмыстарын жүргізді. Нәтижесінде олар қыздың денесін тауып, судан шығарып, туыстарына тапсырды", - деді Шымкент қаласы төтенше жағдайлар департаментінің қоғаммен байланыс тобы.
Оқиға орнында Шымкент қаласы Төтенше жағдайлар департаментінің 10 қызметкері мен 4 техникасы жұмыс істеді.