Шымкентте бес қабатты үйде жарылыс болды
Шымкенттегі Нұрсәт мөлтекауданында бес қабатты тұрғын үйде газ-ауа қоспасының жарылысы орын алды. Оқиғаның салдарынан пәтер жалдап тұрып жатқан Ресей Федерациясының 63 жастағы азаматы дене жарақатын алып, оған алғашқы медициналық көмек көрсетілген.
Алматы, NEGE. Қалалық ТЖД баспасөз қызметінің мәліметінше, жарылыс таңғы сағат 06:27 шамасында үйдің бірінші қабатындағы пәтерде болған. Салдарынан терезелер мен есіктер сынып, үй заттары мен жиһаздары жанып кеткен. Тұрғын үйдегі 4 адам қауіпсіз жерге шығарылып, тағы 6 адам құтқарылған. Сондай-ақ, жарылыс салдарынан көршілес орналасқан екі пәтердің терезелері, «Ауди» автокөлігінің алдыңғы әйнегі зақымдалған. Оқиға орнына Шымкент қаласы ТЖД Өрт сөндіру қызметінің 29 жеке құрамы мен 6 техникасы, Апаттар медицина орталығы филиалының, жедел-құтқару жасағының 8 қызметкері мен 2 техникасы, Полиция департаментінің 20 қызметкері мен 7 техникасы жұмылдырылған.
«Жалын таңғы сағат 06.42-де оқшауланып, сағат 07.20-да толығымен сөндірілді. Өрттің жалпы көлемі 35 шаршы метр құраған. Газ шаруашылығы қызметінің алдын ала мәліметінше, жарылысқа газдың жиналуы себеп», - делінген хабарламада.
Қазір оқып жатыр
Олжас Бектенов Алматы тау кластері мен Almaty Superski жобаларын жүзеге асыру қарқынын жеделдетуді тапсырды
Жамбыл облысында жасөспірімдерді өз-өзіне қол жұмсауға итермелеген не жағдай?
Қызылордада «Таза Қазақстан» экологиялық акциясы аясында кезекті ауқымды шара өтті
«Әлеуметтік желі арқылы нұсқау берілген»: Алматыда оқушы қыз мектепке балта алып барған
