Шымкентте бес баласы бар 35 жастағы ана үшем босанды
Шымкентте 35 жастағы әйел үшем босанды. Жаңа туған сәбилер мен босанған әйел қалалық перинаталдық орталықтан шығарылды.
Алматы, NEGE. Үшем - Айсұлтан, Әлия және София 24 сәуірде дүниеге келген. Гүлмира Юсупованың тағы бес баласы бар.
"Керемет сезім, ештеңе айта алмаймын, қатты қобалжып жүрмін. Бүкіл перзентханаға үлкен алғыс айтамын, дәрігерлері керемет! Жүктілік мерзімі өте қиын болған жоқ, шағымданбаймын. Құдайға шүкір, жолдасым мен енем жанымда болды. Қазір үйде бүкіл отбасым күтіп отыр, өте қуаныштымын! Болашақта тағы балаларым болады деп ойлаймын", - деп бөлісті Гүлмира.
Қазір сәбилердің жағдайы тұрақты. Айсұлтан, Әлия және София жүктіліктің 35-аптасында дүниеге келген. Туған кезде сәбилердің салмағы екі келіден асса, бойы 40-42 сантиметр болған. Гүлмира кесар тілігі арқылы босанған, ота оңай болған жоқ, деп еске алады дәрігерлер.