Шымкентте 300-ден астам адам эвакуацияланды
Шымкентте жаңбыр суы басып қалған аймақтардан 300-ден астам адам эвакуацияланды, деп хабарлады Қазақстанның ішкі істер министрлігі төтенше жағдайлар комитетінің баспасөз қызметі.
Алматы, NEGE. «Адамдарды эвакуациялық пунктке жеткізу үшін шұғыл түрде қоғамдық көлік ұйымдастырылды. ТЖД мобильді тобы дыбыс зорайтқыштың көмегімен Елтай елдімекенінің тұрғындарын эвакуациялау туралы хабардар етті. Су басқан 60 үйден адамдар эвакуацияланды. «Маятас» тұрғын үй массивіндегі №119 орта мектеп базасындағы №41 жиынтық-эвакуациялық пунктіне 150 адам эвакуацияланды, шамамен 150 адам туыстарына орналастырылды», - деп хабарлады бейсенбі күні ТЖК ресми өкілі Нұрсұлтан Нұрахметов.
Хабарда атап өтілгендей, қаза тапқандар мен зардап шеккендер жоқ. Қосымша эвакуациялау үшін Елтайдан тағы төрт эвапункт дайындалды. 7 мың текше метр су айдалды.
«14 мамырда сағат 1.14-те Еңбекші ауданында Гауһар тас көшесінде қатты жауған жаңбыр салдарынан Бадам өзенінің арнасынан асқаны туралы хабар келіп түсті. Өзен жағалауының суға шайылуы салдарынан екі тұрғын үйге қауіп төнген (үйге дейінгі қашықтық 7-8 метр). ТЖД күшімен 31 тұрғын Бадам-1 елдімекеніндегі №84 орта мектеп базасындағы жиынтық-эвакуациялық пунктіне орналастырылған. Қаза тапқандар мен зардап шеккендер жоқ», - деді Нұрахметов.
Сонымен қатар 112 кезекші қызметіне, оның айтуынша, азаматтардан аулаларды су басқаны туралы 23 хабарлама келген, олардың барлығына қызметкерлер барып, су айдау жұмыстарын жүргізді.
Еске салсақ, бұған дейін Шымкентте жаңбыр суынан 60 ауланы су басқаны туралы хабарланған еді.
