Шымкентте жол жабыны ортасына опырылып түсті
Әлеуметтік желіде жолдың ортасына опырылып түскенін көрсеткен видео тарады. Бұл жағдай Шымкенттің Оңтүстік шағынауданындағы Қамысты көшесінде болған.
Астана, NEGE. Мамандар жолды жөндеу жұмыстарына кірісті, деп хабарлайды Otyrar арнасы.
«Су ресурстары Маркетингі» ЖШС мәліметінше, жол 1968 жылы салынған, диаметрі 1000 мм болатын кәріз коллекторындағы апат салдарынан опырылып түскен.
«Кәріз коллекторының істен шығуына байланысты жол жабыны опырылып түсті», – деп түсіндірді компания өкілдері.
Оқиғадан кейін қауіпсіздік мақсатында жолдың бұл бөлігі қоршауға алынды.
Қазіргі уақытта кәсіпорын мамандары қалпына келтіру және жөндеу жұмыстарын жүргізіп жатыр. Төтенше жағдай салдарын жоюға арнайы техника мен жұмысшылар бригадалары тартылған. Оқиға орнында бетон сорғылары, жүк көліктері, тазалау техникасы және экскаватор жұмыс істеуде.
Мамандардың айтуынша, апаттың негізгі себебі – құбырдың тозуы.
«Бұл коллектор 1970-жылдары пайдалануға берілген және ұзақ жылдар бойы қолданылғандықтан техникалық тұрғыда әбден тозған», – делінген хабарламада.
Компания өкілдері апат салдарын жою және жол жабынын қалпына келтіру жұмыстары күшейтілген режимде жүргізіліп жатқанын атап өтті.
