Шымкентте жоғалып кеткен жігіттің мәйіті табылды
Шымкентте жоғалып кеткен 20 жастағы Бәйдібек Ақмырзаұлының денесі табылды.
Алматы, NEGE. Жас жігіт 2025 жылдың 14-қаңтарында Түркістан облысы Ордабасы ауданынан Шымкент қаласына жүргізуші куәлігін алуға келген. Кейін сағат 14:37 шамасында досын әуежайдан шығарып салған.
Шымкент қаласы полиция департаментінің баспасөз қызметі жоғалған азаматтың өлімі бойынша полиция қылмыстық іс қозғағандығын мәлімдеді.
– Алдын ала мәлімет бойынша, зорлық-зомбылық белгілері анықталмады. Оқиғаның барлық мән-жайын анықтауға бағытталған тергеу іс-шараларының кешені жүргізіліп жатыр, - делінген ведомство ақпаратында.
