8 Қараша 13:21
...
Шымкентте жас босанған әйелдер «ана мен бала» дәрі қобдишасын ала алмай келген
Қалалық прокуратура перзентханаларда «ана мен бала» дәрі қобдишасын беру заңдылығына талдау жұмыстарын жүргізді.
Алматы, NEGE. Перзентханадан шығарар кезде жаңа туған нәрестелерге ана мен баланың дәрі қобдишасы беріледі.
Талдау нәтижесінде үш мыңға жуық жаңа туған нәрестеге перзентханалардан шығару кезінде қажетті дәрі қобдишасы берілмегені анықталды.
Қадағалау актісі негізінде 2763 нәрестенің аналары дәрі қобдишасымен қамтамасыз етілді, №2 қалалық аурухананың бас дәрігері Қазақстан Республикасы ӘҚБтК-нің 426-бабымен (Фармацевтикалық қызметтің және дәрілік заттар мен медициналық бұйымдардың айналысы саласының қағидаларын бұзу) әкімшілік жауапқа және 5 медицина қызметкері тәртіптік жауапқа тартылды.
Бұл бағыттағы жұмыстар жалғасады.
